Euskal zinemagintzaren figura eta ekimenak omentzeko asmoz, Begirada atalak atzera begirakoen bidez figura horien lanak ezagutarazi nahi ditu.

Aurten, Filmategiraren 40. urteurrenarekin bat, Kimuak ekimenaren 20. urteurrena ospatu nahi izan dugu. Hori dela eta, Begirada sariaren bitartez, proiektu honek nazioartera euskal laburmetraiak helarazteko egiten duen esfortzu eta lana omendu nahi izan dugu, garrantzitsua baita, euskaraz egiten diren orotariko film laburren isla izan dadin.

Begirada sari honen harira, azken urteetan Kimuak katalogoaren baitatik, Euskal Zine Bileran proiektatu diren film laburrak bildu nahi izan ditugu atzerabegirako batean. Tratamendu zinematografiko, teknika, sormen prozesu eta gai ugari uztartzen dituen programa da aurkeztera gatozena, beti ere euskara izanik guztiak biltzen dituena.