Euskal Zine Bileraren baitan dagoen lehiaketak urteen bitartez jaso du egun duen garrantzia. Euskal Herrian eta euskaraz ekoitzitako askotariko lanen erakusleiho da, teknika, tratamendu, genero, sorkuntza prozesu eta gai desberdinak biltzen dituen neurrian.

Sariak

Lehiaketan hautatuak izanagatik film labur bakoitzaren egileak edo egileek 200 euro jasoko dituzte. Taldeka egindako lanen egileek zenbateko berbera jasoko dute.

Beheko taulan azaltzen dira EZBn sarituko diren arloak.

ARLOAK SARIAK
Zuzendaritza 1.600,00 € eta Zilarrezko Antzarra
Gidoia 1.600,00 € eta Zilarrezko Antzarra
Film onena 1.900,00 € eta Urrezko Antzarra
Ikusleen saria 750,00 € eta Zilarrezko Antzarra

Sariak erretentzio fiskalari lotuta daude.

Epaimahaiak sariren bat eman gabe uzteko ahalmena du eta bere erabakiak behin betikoak eta alda ezinak dira.

Sariak jaialdiaren amaierako ekitaldian jakinarazi eta banatuko dira. Irabazleak amaierako ekitaldira sariak jasotzera etorri beharko dira, edo bestela, norbait bidali euren ordez. Etortzerik edo inor bidaltzerik ez badute, sariak jasotzeko eskubide guztiak galduko dituzte.

Epaimahaia

Aurtengo epaimahaia Maider Oleaga, Itziar Ituño, Mikel Zumeta eta Eider Eigurenek osatu dute:

Eider Eguren Goikouria

Eider Eguren Goikouria

Amurrio, 1980

Artista eta irakaslea Arte Ederretako
Fakultatean EHUn, Arte eta Teknologia sailean. Bere ikerkuntza lanak kaleko arte gertaeretan dauka ardatza, naiz eta urte asko pasa zituen ikerlari lanak egiten ere Bilboko Juan Manuel Lumbreras Galeriarako, Bilboko Arte Ederretako Museoaren babesarekin, non Bilboko erakusketa gelak eta museoak aztertu zituen XIX-XXI mendeetan. Hainbat hirietan aurkeztu izan ditu bere lanak, Bilbo, Donostia, Pontevedra, Bartzelona non ikasi eta bizi izan da urte askoz.

Maider Oleaga

Maider Oleaga

Bilbo, 1976

Ikusentzunezko Komunikazioan lizentziatua eta Zine Zuzendaritzan diplomatua (ECAM). 2015an Ikasketa Feminista eta Generoaren Masterra burutzen du EHUn. Hainbat film zuzendu eta idatzi ditu, horien artean Muga Deitzen da Pausoa (2018), Neoi argiak ederrenean (2018, Gure Oroitzapenak film kolektiboaren parte), Verabredung  eta Amaren Ideia. Gaur egun Kuartk Valley dokumental luzean ari da gidoilari eta zuzendari bezala.

Mikel Zumeta

Mikel Zumeta

Hondarribia, 1980

Soziologian lizentziatua da EHU lehioako gizarte zientzien fakultatean. Gizarte arloa eta sorkuntza arloak uztartu ditu betidanik arreta deitu izan diotelako biak. Poesiarekin hasi zen batik bat, eta argazkilaritzarekin, baina hedatzen joan da alor eta esparru desberdinetara, ikasketa espresio bide eta proiektu berrietara irekita beti.

Itziar Ituño

Itziar Ituño

Basauri

Basauritar bezala Basauriko antzineko Antzerki Eskolan ikasitakoa eta soziologian lizentziatua da. Euskara 19 urterekin hasi zen ikasten AEKn. Fagorren eta Ikastolan begirales bezala egindako lana, antzerkigintzarekin uztartu zuen umeentzako antzerkia eginez eta ipuinkontalari bezala. Goenkalen 13 urte pasatu zituen “Nekane” ertzainburu gisa eta, urte horietan, telebista eta antzerkia uztartzen zituen. Hika, Kanpingags eta Txalo konpainiekin ibili izan da antzezle bezala eta orain P6an dabil. Zinean ere aritu da, tartean, Izarren “Argia”, “Lasa eta Zabala”, “Igelak”, “Errementari”, eta “Loreak” filmetan antzeztuz eta baita Espainiako telebistan ere, “Cuéntame” eta “La casa de Papel” telesailetan. Laburmetrai ugaritan ere antzeztu du, azkenak “For the good times” eta “Azken arnasa arte”.